Er: "Lueg mal, deht hine stönd drüü Eidgenossen."

Sie: "Uri, Schwyz und Unterwalde."

Er: "Odr links, mitti, rächts."

Sie: "S'hätt uf all Fäll mit dä Schwiiz z'tue."

Er: "Köbi Kuhn, Gilbert Gress und Ottmar Hitzfeld."

Sie: "Das sind aber nid alles Schwiizer."

Er: "Aber mir händ's quasi adoptiert."

Sie: " Polo Hofer, Kuno Lauener und Büne Hueber."

Er: "Die sind alli links."

Sie: "Beatrice Egli, Francine Jordi und Maya Brunner."

Er: "Nid mini Wält. Chumm, mer müend vo nächer luege."

Er: "Gseht scho chli uus wie SVPler: starr und in Stei gmeisslet. Welä würsch in Bundesrat wähle?"

Sie: "Spilt doch kei Rolle, es muess eifach än SVPler sii - weisch, wägä dä Konkordanz."

Er: "Okay, dänn dä Stei rächts ussä. Dä hinä am Stehpult."

Sie: "Das isch doch en guete Kompromiss."